BY | RU | EN

Факсімільная копія з дрэварыта. Выканана на друкарскім прэсе на паперы, што адпавядае 16 стагоддзю, шляхам поўнай рэканструкцыі працэсу друку. Расфарбавана акварэллю ўручную ў адпаведнасці з захаванымі прыкладамі.

У 1492 годзе Хрыстафор Калумб дасягнуў берагоў Амерыкі. Але спатрэбілася яшчэ некалькі год, каб вестка пра адкрыццё Новага Свету распаўсюдзілася па Еўропе, пацвердзілася і замацавалася.

У 1507 годзе нямецкі картограф Марцін Вальдзеемюлер (каля 1470-1520) стварыў насценную карту свету, на якой упершыню назваў землі, адкрытыя Хрыстафорам Калумбам, Амерыкай - у гонар фларэнційца Амерыга Веспучы. Карта надрукавана з 12 дошак памерам 46 х 62 см кожная. Захаваўся толькі адзін асобнік карты, ён быў знойдзены ў пачатку 20 стагоддзя і выкуплены Бібліятэкай Кангрэса ЗША ў 2003 годзе.

Тым не менш, у 1513 годзе М. Вальдзеемюлер стварае новую карту Новага Свету, на якой не ўжывае назву «Амерыка» і падкрэслівае важнасць асобы Хрыстафора Калумба.

На карце 1513 года Вальдзеемюлер злучае Паўночную і Паўднёвую Амерыкі і не малюе заходні бераг Новага Свету, нібыта ўсё яшчэ мае сумневы, што мараплаўцы дасягнулі новай, невядомай зямлі, а не Індыі, да якой першапачаткова планаваў патрапіць Калумб. Ён трымаецца канону, зададзенага Пталамеем - тры часткі свету і акіян, - які беззваротна саступае ведам Новага часу.

Хрыстафора Калумба картограф называе Адміралам - і менавіта як «Карта Адмірала» гравюра становіцца шырока вядомай.

На карце картограф пазначае:
HEC TERRA CUM ADJACENTIBUS INSULIS INUENTA EST PER COLUMBUM JANUENSEM EX MANDATO REGIS CASTELLE
ГЭТАЯ ЗЯМЛЯ РАЗАМ З ПРЫЛЕГЛЫМІ АСТРАВАМІ БЫЛА АДКРЫТА ГЕНУЭЗЦАМ КАЛУМБАМ ПА ДАРУЧЭННІ КАРАЛЯ КАСТЫЛІІ

На карце абазначаны:
TERRA INCOGNITA – зямля невядомая
OCEANUS OCCIDENTALIS – Усходні (Атлантычны) акеан
ANGLIE PARS, ISPANIE PARS – часткі краін Еўропы
AFRICE SIVE ETHIOPIE PARS – афрыканскі кантынент
ISABELLA – Куба
SPAGNOLLA – Гаіці
Equinortialis – экватар
Tropicus Caniri – Паўночны тропік (Рака)
Tropicus Caprirorm – Паўднёвы тропік (Казярога)