LE ROYAUME DE POLOGNE
Le Grand Duche DE LITHUANIE
Suivant les Nouvelles Observations
Par et chez le Sr.Le Rouge Ingenieur
Geographe du Roy rue des Gr.ds
Augustins APARIS 1745.

Каралеўства Польскае і Вялікае Княства Літоўскае згодна з найноўшымі назіраннямі
Пасярэдніцтвам сэра Ле Ружа каралеўскага географа.
Парыж 1745.

Тэхніка: медзярыт
Картограф: Жорж-Луі Ле Руж
Год выдання: 1745, Парыж
Памер аркуша: 64 х 53.5 см
Памер карты: 63.5 х 48.5 см

Гэта не вельмі распаўсюджаная карта Рэчы Паспалітай выканана французскім картографам Жоржам-Луі Ле Ружам (Georges-Louis Le Rouge, 1712?–1790?). Трэба адзначыць, што на працягу 18 стагоддзя французская картаграфія трывала замацавала за сабой лідарскія пазіцыі ў свеце.

Карта адпавядае тагачаснаму тэрытарыяльнаму ўкладу Кароны, Вялікага Княства і памежных земляў. Княства Літоўскае ўключае ўласна княства (GRAND DUCHE LITHUANIE), Русь Белую (RUSSIE BLANCHE), Самагетыю (SAMOGETIE). Назва Белай Русі ахоплівае сярэднюю цечу Дняпра ад Магілёўшчыны, уключае ў сябе Палессе і ссоўваецца на поўдзень да Валыні (VOLHINIE).

Сустракаюцца пазнейшыя асобнікі з праўкамі ў картушы. Другі варыянт – зрэзана дата ў картушы. Трэці варыянт, створаны пасля першага падзелу Рэчы Паспалітай, – у картушы быў выразаны адпаведны надпіс і нанесены новыя межы. Шэраг выдавецтваў перараблялі карты падобным чынам пасля першага падзелу, пазначаючы тэрыторыі, якія былі анексаваныя суседнімі краінамі: Аўстрыяй, Прусіяй і Расіяй. Наяўнасць такіх правак дазваляе датаваць падобныя выданні пазней за 1772 год.

15.5 MB