Ex Libris - кніжны знак, мастацкі аркуш невялікага памеру, дзе ўказаны ўласнік кнігі. Звычайна малюнак вобразна адлюстроўвае інтарэсы і густы ўласніка, можа ўтрымліваць прыватныя звесткі, такія як герб, рэчы і з'явы, звязаныя з жыццём альбо прафесіяй, таксама кніжны знак можа казаць пра спецыфіку кнігазбору. Часам экслібрысы замаўляюцца бібліятэкамі, універсітэтамі і іншымі ўстановамі.

Акрамя свайго непасрэднага прызначэння, экслібрыс з'яўляецца адным з самых вытанчаных і арыстакратычных кірункаў калекцыянавання.

Вы можаце замовіць кніжны знак у любой тэхніцы (афорт, лінарыт, дрэварыт, літаграфія і інш.). Тэрмін выкання можа складаць ад аднаго да некалькіх месяцаў. Для тэрміновых замоў у наяўнасці звычайна ёсць гатовыя не падпісаныя экслібрысы. Калі такі экслібрыс задаволіць вашыя патрабаванні, вы можаце атрымаць тыраж на працягу некалькіх дзён.

Прыклады работ вядомага майстра экслібрысу Змітра Шапавалава, удзельніка шматлікіх міжнародных выстаў, прызёра міжнародных конкурсаў графікі і экслібрысу (у тым ліку галоўная прэмія конкурсу экслібрыса "Bread Cultural Heritage" 2007 года ў Бялградзе).

Графічная майстэрня imago.by – праект факсімільнага друку рэдкіх карт і гравюр па тэхналогіях, якія паўсталі больш за пяць стагоддзяў таму. Уся работа выконваецца майстрамі ўручную з улікам усіх асаблівасцяў старадаўняй традыцыі. Факсімільныя копіі, адноўленыя ў майстэрні imago.by, практычна поўнасцю адпавядаюць арыгінальным старадрукам.

e-mail: Этот e-mail адрес защищен от спам-ботов, для его просмотра у Вас должен быть включен Javascript