Зьміцер Шапавалаў – адзін з найлепшых афартыстаў сучаснасці. Яго творы разам з лепшымі ўзорамі творчасці іншых мастакоў захоўваюцца ў Нацыянальным мастацкім музеі Беларусі.

Работы, выстаўленыя ў межах праекта, выкананы ў розных тэхніках: малюнак, афорт, лінарыт.

Персанальная выстава мастака паказвае свет яго цікавасцяў. Яго вабяць марскія падарожжы, але не цяперашнія камфортныя круізы, а колішнія вандроўкі нязведанымі прасторамі акіяна, поўнымі містычных істотаў і прыгод. 

Але яшчэ мацней цягнецца графік да геройскіх здзяйсненняў войска Вялікага Княства Літоўскага. Каб аднавіць выгляд мужных ваяроў у адпаведнасці з гістарычнай працай, мастак шмат чытае літаратуру па тэме і абавязкова кансультуецца з адмыслоўцамі. Таму яго мастацкія рэканструкцыі каштоўнейшыя ўдвая.

Выстава будзе працаваць да 8 лістапада. 

Адкрыццё выставы 18 верасня а 17-й гадзіне.