Падпіска на навіны
Стартаваў збор сродкаў на выданне кнігі "Картаграфія ВКЛ" па-беларуску
BY | RU
У нашай картаграфіі слаўная, шматвяковая традыцыя. Ды на жаль, толькі ў апошні час сталі з'яўляцца публікацыі, дзе гісторыя картаграфіі разглядаецца з беларускіх пазіцый. Але яны не маюць агульнага падмурку.
Тым часам гісторыя картаграфавання нашых земляў напісана! Яшчэ ў 1971 годзе ў Польшчы выйшла манаграфія Станіслава Александровіча “Развіццё картаграфіі ВКЛ да сярэдзіны 17 стагоддзя”. Кніга стала бестсэлерам, апошняе выданне ўбачыла свет у 2012 годзе (перапрацаванае і дапоўненае) пад грыфамі Каралеўскага замка, Інстытута гісторыі навукі Польскай акадэміі навук і Варшаўскага навуковага таварыства.
Перакладзеная на беларускую мову, кніга дасць цэласнае і сумленнае ўяўленне пра нашу картаграфію.
Падтрымаць выданне кнігі можна грашыма на краўдфандынгавай пляцоўцы ulej.by
Каштоўнай будзе інфармацыйная падтрымка. Атрымаць каментар або дадатковую інфармацыю ад аўтараў праекта можна праз email Этот e-mail адрес защищен от спам-ботов, для его просмотра у Вас должен быть включен Javascript або па тэлефоне +375-29-241-6030.
.