Janussius Radziwill DG Birzae ac dubingae Dux S.Rom:Imp...
Януш Радзівіл (1612–1655) – князь з біржанскае лініі Радзівілаў

Тэхніка: медзярыт
Выдавец: Merian
Год выдання: 1652, Франкфурт-на-Майне
Памер аркуша: 19.5 х 35 см
Памер выявы: 12 х 16.5 см

Неардынарны палітычны і вайсковы дзяяч, прыхільнік незалежнасці Вялікага Княства Літоўскага. Польны гетман літоўскі (1646–1654), вялікі гетман літоўскі (1654–1655). Удзельнік Смаленскай вайны. Атрымаў дзве буйныя перамогі над казакамі падчас паўстання Хмяльніцкага. У часе Невядомай вайны (1654–1667) атрымаў перамогу пад Шкловам (12.8.1654) і паразу ў Бітве пад Шапялевічамі (24.8.1654). Пры заняцці большай часткі тэррыторыі Княства маскоўскім войскам ініцыяваў унію са Швецыяй. Сын Крыштофа Радзівіла. Стрыечны брат Багуслава Радзівіла.

Партрэт паходзіць з першага выдання (1652) шостага тома "Theatrum Europaeum". Гэты том перавыдаваўся яшчэ двойчы ў 1663 і каля 1695 года. Храналагічны перыяд тома ахоплівае час 1647–1651 гадоў. Медзярыт прысутнічае таксама ў сёмым томе. У перавыданні сёмага тома сустракаецца другі варыянт партрэта Януша Радзівіла. Таксама ў шостым томе прысутнічаюць партрэты другой жонкі Януша Радзівіла – Марыі Лупу і ейнага бацькі малдаўскага гаспадара Васіля Лупу.

Шосты том таксама ўтрымлівае выяву лагера войскаў Януша Радзівіла пад Рэчыцай і выяву Бітвы пад Лоевам у 1649 годзе, гравюры ідуць у дадатку да кнігі.