BY | RU

Свята паводле знакамітай панарамы Горадні работы Ганса Адэльгаўзера і Маціяса Цюнта ладзіць Гарадзенскі гісторыка-археалагічны музей.  

15 чэрвеня ў дворыку Новага замка адбудзецца адразу некалькі імпрэз, прысвечаных знакамітай гравюры. Тут зноў паўстане вайсковы лагер накшталт тых, што былі разбіты для шаноўных пасольстваў, якія ўлетку 1567-га прыбылі да караля Жыгімонта IІ Аўгуста. Загучыць сярэднявечная музыка, будзе арганізавана пляцоўка для старадаўніх дзіцячых забаў.

Ля ганка будзе экспазіцыя студыі imago.by: друкары пакажуць, як друкавалася гравюра ў 16 стагоддзі, а таксама як стваралася рэканструкцыя рарытэтнай выявы паводле арыгінальных асобнікаў, што захаваліся ў розных краінах свету (каля 10).

У сярэдзіне дня адбудзецца круглы стол з удзелам навукоўцаў, якія абмяркуюць, што новага з'явілася ў даследаваннях панарамы за апошні час.

Падчас свята адбудзецца перадача ў Гарадзенскі гісторыка-археалагічны музей рэканструяванай копіі гравюры, а таксама прэзентацыя каляровага варыянту выявы. Рэканструкцыя і ілюмінацыя былі зроблены ў межах праекта "Анёлы над горадам", сродкі на рэалізацыю якога былі сабраны талакой праз краўдфандынгавую пляцоўку ulej.by.

Горадня, 15 чэрвеня

ад 11.00 да 17.00 

Запрашаем!

.