Трэцяга сакавіка ў Варшаве адбыўся аўкцыён, на якім нашчадкі Эмерыка Гутэн-Чапскага прадавалі 21 гравюру з яго збору. Лот выкупіў калекцыянер Аляксей Адамовіч, які лічыць важным вяртаць такія артэфакты ў Беларусь.

Самае цікавае ў зборы – выявы Мінска Б. Люверня (адна расфарбаваная), надзвычай рэдкі і прыгожы партрэт віленскага праўніка Станіслава Сабіны 1590 года, паўднёвы аркуш з Рыцы-Дзаноні, літаграфія "Jozef xiaze Poniatowski", некалькі відаў гарадоў, у тым ліку прыгожы медзярыт Кракава з С. Пуфендорфа.

Нагадаем, што Эмерык Гутэн-Чапскі паходзіў са Станькава пад Менскам, ён быў сынам менскага галавы Яна Кароля Гутэн-Чапскага. Гутэн-Чапскія былі апантанымі калекцыянерамі манет і старадаўняй графікі. Збор пачынаў дзед, Эмерык Гутэн-Чапскі-старэйшы. Ад пачатку захоўваўся ў маёнтку Станькава (рэшткі флігеля захаваліся), пасля калекцыя была вывезена ў Кракаў.

Матэрыял пра Эмерыка Гутэн-Чапскага на сайце >>

.