MAGNI DVCATVS LITHVANIAE,
Caeterarumq: Regionum illi adiacentium exacta descrip
illss^mi ac Excell^mi Principis ac Dni. D. Nicolai Christophori Radziwil. D.G. Olycae ac in Nieswies Ducis, S.Rom. Imp. Principis in Szylowiec ac Mir Comitis et S.Sepulchri Hierosolimitani Militis etc. opera et cura lucem lucem edita

Тэхніка: медзярыт
Аўтар: Тамаш Макоўскі, Генрых Гондзі
Выдавец: Пітэр Шэнк, Герард Фальк
Год выдання: 1690-я, Амстэрдам
Памер карты: 54.5 х 43.8 см
Маштаб карты: 1 : 3 700 000

Як ужо было сказана ў папярэднім артыкуле, карта была ўпершыню выдадзена Генрыхам Гондзі ў 1636 годзе. Яшчэ двойчы на карце мяняўся выдавецкі знак, з 1649 года карта выдавалася пад імем Яна Янсона і непрацяглы час у пачатку 1680-х (да 1683) – Янам Янсонам ван Васбергенам.

У 1694 годзе частку плыт фірмы Яна Янсона выкупілі картографы Герард Фальк (Gerard Valck, 1652–1726) і Пітэр Шэнк (Petrus Schenck, 1660–1711), другую частку выкупіў Фрэдэрык дэ Віт (Frederick De Wit, 1629/1630-1706). Пітэр Шэнк навучаўся гравёрнаму майстэрству ў Герарда Фалька ў Амстэрдаме, у 1686 годзе атрымаў прывілей на друк і продаж сваіх карт і гравюр. Праз год ажаніўся з сястрой Герарда Фалька, сваяцкія зносіны замацавалі далейшую плённую выдавецкую працу. У кампаніі Фалька – Шэнка акрамя друкаванай прадукцыі выраблялі глобусы, некалькі разоў кампанія атрымлівала манапольныя патэнты на выкарыстанне новых геаграфічных і астранамічных адкрыццяў у сваіх выданнях.

Ад папярэдніх выданняў карта розніцца выдавецкім знакам: Tyрis Amstel. apud P.Schenk, e G.Valk, сum priv:, у картушы і на карце ўмоўныя знакі для населеных месцаў зменены на больш характэрныя, найменні вялікіх гарадоў перарэзаны наноў больш буйным шрыфтам. Карта выдавалася да пачатку 1700-х гадоў.

12.6 MB