Novissima et accuratissima
MAGNI DUCATUS LITHUANIAE
in suos Palatinatus et Castellanias divisae Delineatio, cura et impensis MATTHAEI SEUTTERI.
S. Caes. et Reg. Cathol. Majest. Geogr. et Chalcographi Augustani.

Тэхніка: медзярыт
Аўтар: Матэўс Зойтэр
Год выдання: 1735, Аўгсбург
Памер карты: 57.6 х 49.2 см
Маштаб: каля 1 : 1 400 000

Матэўс Зойтэр (George Matthäus Seutter, 1678–1757) – нямецкі выдавец і географ. У 1707 годзе стварыў уласную паспяховую выдавецкую фірму. Працаваў у фірме Ёгана Бапціста Гомана (Johann Baptist Homann, 1664–1724), у якога і пераняў досвед. Карта створана паводле выдання Юстуса Данкертса 1690-х гадоў і значна дапоўнена новым зместам, прыблізна з 1735 года карта была ўключана ў "Grosser Atlas".

Даследчыкі вылучаюць тры варыянты карты. На першым варыянце надпісы ў верхняй частцы карты адсутнічаюць. У другім выданні, пасля надання імператарскага прывілея (з 1742 года), з правага боку зверху з'яўляецца пазнака: Cum Gratia et Priv. S.R.I.Vicariatg, in partibg Rheni, Sveviae, et Juris Franconici. У трэцім выданні (з 1757 года) у правым верхнім куце з'яўляецца ўдакладненне выдаўца: Anjezo in Verlag bey Iohan Michael Probst, Chalcogr. in Augspurg. Артыкул ілюстраваны трэцім варыянтам выдання з абедзвюма пазнакамі.

Па смерці Матэўса Зойтэра справа перайшла да яго сына Альбрэхта Карла Зойтэра (Albrecht Carl Seutter, ? – 1762) і двох зяцёў: Георга Бальтазара Пробста (Georg Balthazar Probst, 1732–1801) і Тобіаса Конрада Лотара (Tobias Conrad Lotter, 1717–1777), які значна перапрацаваў гэтую карту.

10.8 MB